CAIRO

SHARM ELSHEKH

sharm elshekh

NAAMA BAY

NAAMA BAY SHARM ELSKEKH

NAAMA BAY SHARM ELSKEKH

HURGHADA

hurghada (( diveing ))

hurghada ((snorkling ))

hurghada beach

hurghada on beach

hurghada (( ramadan ))

hurghada

hurghada

nile at aswan

LOXUR

GREAT PYRAMIDS

EGYPTIAN SOLDIERS

CAIRO AT NIGHT

REVER NILE

cairo tower

cairo..

cairo stadum

المزيكه

المصريون هما أول اللى إخترعو آلات المزيكة و إستخدموها فى الطقوس الدينية و الحروب و على موائد الأكل للترفيه. و فى الإحتفالات و الأفراح و الأعياد, و لسة المصريين بيستخدموها زى ما هيا لحد دلوقتى, من الآلات دي: الصاجات و الجيتار المصرى القديم و الربابة و الناى و الدف و الطبلات و الهارپ و السيسترم المصرى و المزمارو "المثلث" و "الناقوس""جرس"...إلخ۔ ولسه لحد دلوئتى فى الات منها بيستخدمها "المسيحيين" فى الطقوس الدينية بتاعتهم زى "الصاجات" و "المثلث" و "الناقوس" الجرس كمان المزيكه المصريه أثُّرت فى الشعوب اللى حواليها و دخلت آلات جميله للمزيكه المصرية عن طريق الشعوب دى فى عملية تأثُّر و تأثير, فـ دخلت آلات نوبية و أمازيغية و تركية و عربية و يونانية للمزيكه المصريه فى أغنياتها و إتخلطت مع الإيقاعات المصريه عشان تبقى ماشيه مع المزيكه المصريه بـ طابع جميل و خاص۔

الأعياد

المصريين بيحبو الأعياد والأفراح بشكل كبير, يهتمو بأعيادهم اللى ورثوها جيل ورا جيل من اكتر من سبع تالاف سنة,المصريين بيحتفلو بعيد شم النسيم وراس السنة المصرية و عيد وفاء النيل و عيد الحصاد و يوم مولد "رع مسو"رمسيس التانى و يوم أتولى العـَرش۔ وبدخول المسيحية بقو بيحتفلو باعياد خاصة بالمسحيين زى عيد القيامة و عيد الغطاس و عيد راس السنة الميلاديةبعدين دخلو العرب المسلمين و غيرو ديانة البلد للاسلام وبقو المصريين بيحتفلوا باعياد جديده اتضافت لاعيادهم زى مولد النبى و راس السنةالهجرية و عيد الفطر و عيد الاضحى و عاشورا و الاسراء والمعراج و اعياد قومية ووطنية زى عيد الام و 23 يوليو و عيد الجلاء و عيد تحرير سينا و 6 اكتوبرالمصريين معروفين بتمسكهم و إرتباطهم الشديد بأرضهم كونهم من البداية مجتمع زراعى مستقر مش بيتنقل, عشان كده اتولد عندههم الإحساس بالإنتماء للوطن و الأرض من وقت بعيد فـ مابيبعدوش ولا بيروحو بعيد عن أرضهم. على الرغم من كدا فرضت ظروف العصر الجديد أن يبعد المصريون عن أرضهم عشان يدوّرو عن الرزق و الشُغل, فيهم اللى بيهاجر مؤقتاً و وفيهم اللى بيهاجر هجرة دايمة. عدد المصريين اللى براها حوالى خمسة مليون مصرى. و عادةّ بيبقو من أكتر المصريين المتعلّمين۔

الديانة

المصريين ما كانوش بيعرفو اى دين فى مصر القديمة باسم معين لكن كان ليهم طقوس خاصة بيهم واعتقادات معينة فى فكرة الاله وتقديمهم الهدايا ليهم وهما اول ناس فكرو فى ان فى اله ورا حياتهم وبالزات ورا خير النيل والفكرة جتلهم من مرات "اوزوريس" بعد موته وتقطيع جسمه على ايد اخوه اللى مسك فرعون من بعده,حصل جفاف كبير للنيل و ماتت ناس كتير وحيوانات وكل الزرع فى الاراضى صرخت مرات "اوزوريس" و قالت ليهم دا غضب "اوزوريس" عليكو ومن وقتهاوهما مفكرين ان الفرعون اللى بيحكمهم هو ابن الاله وان رضا الفرعون عنهم يعنى كل الخير ليهم ولاراضيهم وحيوانتهم.... و لكن بعد دخول المسيحيةلمصر على ايد مرقص الرسول اتحول معظم المصريين للمسيحية. و بعد غزو/فتح العرب لـ مصر, اتحول معظم المصريين للإسلام, بس لسه فيه حوالى 15% من الشعب المصرى بيعتنق الديانة المسيحية, بالاضافة لشوية يهود و بهائيين و لا-دينيين و ملحدين, اللى الحكومة بتمنعهم من التعبير عن أفكارهم.

إسهامات للبشرية

المصريين قدّمو للبشرية كتير من الإختراعات و العلوم و الإنجازات, زى إختراع الزراعة و علوم الطب و الفلك و الكتابة و اللغة و صناعة المعادن و تخريجها وعلوم الحساب و القياسات و الهندسة و علم حساب المثلثات و صناعة الإزاز و صناعة الأوانى الفخارية و بـُنا البيوت بدال الأكواخ و صناعة السفن و إخترعو كتير من الماكينات اللازمة للزراعة و الصناعة و التعدين.المصريين إدّو للعالم التقويم الشمسى اللى بيتبعه العالم الحد دلوقتى بنفس عدد الأيام و االشهور...

اللغه

المصريين كانو بيتكلمو لغة را نكيمه و هى اللغه المصرية القديمه (الهيروغليفية), و معناها النقش المقدس, و اللى اتطورت شوية شوية على مر العصور و بقت هيراطيقي و ديموطيقى-مصري و قبطى. بس بالرغم من كده فـ لحد النهارده لسه اللهجة المصرية للغة العربية بتتميز عن اللغه العربى بشكل واضح من ناحية النطق و أدوات الإشاره و التشكيل و مخارج الحروف و المخارج الصوتية, و لسه فيه الكتير من الكلمات المصرية القديمة اللى فى اللهجة المصرية لحد النهارده و فى الكثير من الأمثال الشعبية المصرية القديمة الموجودة لحد النهارده.

جمهورية مصر العربيه

الرسمى الحالى هو جمهورية مصر العربيه).جمهورية مصر دوله موجوده فى شمال-شرق قارة أفريقيا، و على حدودها من الشمال "الساحل الجنوب-شرقى" للبحر المتوسط و من الشرق "الساحل الشمال-غربى للبحر الأحمر و كل مساحة مصر مليون كيلومتر مربع تقريباً. مصر دوله أفريقيه بس فيه حته من أراضيها، اللى هيه شبه جزيرة سينا، فى قارة آسيا.

مصر ليها حدود من الغرب مع ليبيا ومن الجنوب مع السودان ومن الشمال الشرقى مع إسرائيل وقطاع غزه، والبحر الأحمر بيفصلها عن الأردن والسعوديه، و قناة السويس اللى بتفصل جزءها اللى فى آسيا عن اللى فى أفريقيا.

مصر عدد سكانها من أكبر تعدادات سكان الدول فى أفريقيا، و حسب اخر التقديرات، عدد سكان مصر عدا الـ80 مليون انسان، و ترتيبها بييجى نمره اربعتاشر على مستوى العالم من حيث عدد السكان، بيعيش اغلبهم على ضفاف النيل اللى مساحة واديه حوالى 40,000 كيلو متر مربع. الصحرا بتشكل أغلب مساحتها وهى مش معموره. معظم السكان فى مصر (حوالى نصهم) دلوقتى من الحضر بيعيشو فى مدن، ربعهم فى مدينة القاهره، أكبر مدينه فى افريقيا والشرق الأوسط و كمان فيه نسبه كبيره فى مدينة اسكندريه وفى الدلتا. مصر ليها شهره عالميه بسبب تاريخها من أيام الحضاره المصريه القديمه اللى سابوا لمصر و للعالم اروع الاثار زى اهرامات الجيزه و ابو الهول و معبد الكرنك ووادى الملوك فى مدينة الاقصر. مصر كمان ليها دور مهم جداً فى الشرق الأوسط و خصوصا على المستوى الثقافى و السياسي.

المصريين

المصريين هما عرق من السلاله الحاميه الشرقيه بيعيشو فى مصر ودلوقتى عددهم حوالى 81,7 مليون نسمة( حسب تقدير يوليو 2008)^[1] و هم أصحابالحضارة المصرية القديمة (الحضاره الفرعونيه), تاريخ المصريين تاريخ طويل جداً بيرجع لحوالى سنة 13,000 ق.ع.ح و هما من أقدم الأجناس البشريه.